شربات هانم المستكاوى, خاص بقناة الجزيره

وبعد طول غياب شديد عادت من جديد شربات هانم المستكاوى من المعتقل بعد توجيه تهمه( تحريض النساء على الرجال) اليها
وخصنا مراسلنا سحس باشا من امام المعتقـــل بعد خروج شربات هانم

سحــس : حمد الله بالسلامه وكنا عاوزين نعرف كنتى فين نصيبه كل الفتره اللى فاتت دى ؟؟
شربات :الله يسلمك وانا كنت عاوزه اشكــر كل الناس اللى استنونى كل الفتره اللى فاتت دى وكانو بيسألو عليا ( وهى مفيش بنى ادم حتى عبرها)
سحس : ياوليــه بطــلى كدب بقى هو فيه بنى ادم طائيك اساسا ؟؟ المهم مترغيش كتير وقوليلنا انتى ناويه على ايــه بعد خروجك وانجــزى عشان المايك شغال بالحجاره وقربت تخــلص
شربات: انا ناويه بإذن الله اعمل مظاهره سلميه في كولالمبور عشان الحادثه الاخيره اللى حصلت وهى قفل باب الترشيــح فى انتخابات الشــورى على احد اصابع عضــوه من اعضاء جمعية ( كوكب خالى من الرجـال) مما اصاب لها خدش فى طلاء الاظافر الخاص بها
سحس : وناويه تعملى كــل ده وانتى لسه متروقه جــوه فى المعتقــل ؟؟
سحس : طيب وانتى ايه مطالبك من المظاهره دى ؟
شربات : احنا هنطالب بتعويض 4 مليون جنيه وازازة مونكيــر من نفس النوع اللى هى كانت حاطه منـــه
سحس : فى ســره ( ده انتى وليـه بايخــه ) طيب وايه مخططاطك الجديده فى مصــر ؟؟
شربات:احنا ان شاء الله هنكثف نشاطنا هنا الفتره اللي جايه لاني لاحظت ان السيدات هنا مش واخدين غير حقهم بس ودا سبب لاحدي العضوات انهيــار فى مزاجهــا وتجريح لكرامتها عشان مش متعوده تقعد اسبوعين من غير خناق ولا زعيق وبإذن الله هناخد قرار حازم واكتر جـديــه
سحس : حازم صاحبى ؟؟
شربات : يابنى لاء قرار حااااازم
سحس : هو عمل قــرار؟؟؟ الواد ده من زمان اساسا وانا بقول عليه عفريـــت وبتاع قرارات
سحس برده : طيب ايه هو القرار ده ؟؟
شربات :احنا مش هنقدر نعلن عنه حاجه دلوقتي بس انا بحذر الرجال من خطوره الموقف اللي هما فيه حاليا وبانصحهم بالانسحاب السلمي من الاراضي
سحس: ويروحو فين ؟؟
شربات : يروحو فى أى حتــه بقى وانا مالى
سحس: ياوليه حرام عليــكى طيب هنعيش فين بعد كــده ؟؟
شربات : اطلعو كوكب المريــخ بيقولك الجــو هناك حــلو اوى هنـــاك
سحس : قبل ما نختم حوارنا ايه الرساله الي بتقدميها للعالم
شربات :بالنسبه للرجاله انا رسالتي واضحه ووصلتلهم اما بالنسبه للنساء بقول لكل سيده
عزيزتي حواء
لم يعد الامر بسيطا كما كنت تظنين
حان الوقت للتخلص من زوجك
من كل الرجال من حولك
من اجل الحفاظ علي كوكب الارض
من اجل نشر الخير والجمال
انضمي معنا
من اجل كوكب خالي من الرجال

........... واحب اعرفكو ان شربات هانم دخلت المعتقــل تانى واللى عاوز ينضم للجمعيه بتاعها يقول والبوكـــس واقف قدام المنتــدى اهوه

ثانكس مونى على التوبيك